جديد عالم Pocket Pcهذا القسم يطرح أهم وآخر الأخبار المتعلقة بالأجهزة الكفيه ويتميز هذا القسم بمواضيعه الجديدة والمشوقة للزوار والأعضاء :
Pocket pc , jasjar , i-mate , jam , k-jam , N800 , acer , Windows Mobile , Sony Ericsson , eten , Asus , Nokia , Htc , Pdal , ppc , relocate , P1i , E90 , N95 , mini , i phone , Apple , Mio A702 , Mio P350 , Prada KD300 from LG , Ultimate , E-ten M700 , palm , Navman , Nseries , Samsung , Cingular , Wireless , Crossbow , Gmail ,
Intermec CN3 , PDA2k
السلام عليكم ورحمة الله وبركاتة
ارحب بكل الزائرين وكنت اريد ان استفسر عن شئ صغير انا كان معايا نوكيا ان 95 وبعتة لكى اشترى موبايل يكون ويندوز موبايل ويكون فى حدود 3900 جنية مصرى فاريد من الخبرا ما هو الجهاز يكون ويندوز موبايل 6 ويكون امكانياتة حلو على شرط ان يكون من i-mate or htc وشكرا
اهلا بيك اخى العزيز
اولا مبروك انك اتخلصت من n95 انا برضه كان معايا واهديته لزوجتى
جهاز من اقبح ما انتجت نوكيا فبالرغم من الامكانيات المهولة التى توافرت فيه الا انه احتوى على عيوب قاتلة اهمها :
1- البطارية اسوأ بطارية فى تاريخ نوكيا مش عارف ازاى بعد كل الضجة اللى عملوها للموديل يحطوا بطارية بالسوء ده
2- التصميم وخاصة الجزء العلوى المنزلق رفيع جدا والجزء السفلى سميك جدا مفيش اى نسبة وتناسب فى منتهى القبح بالاضافة الى ان الحكاية ده كانت بتدينى احساس انى شايل جهاز ب 2 جنيه خاصة مع وزن الجهاز الخفيف زيادة عن اللزوم
3- افتقاد الجهاز للمتانة مثلما تشعر مع n70 n73 وده بسبب التصميم الثنائى الانزلاق , الحمدلله ماحصليش مشكلة مع الباب بس انا متأكد ان فى ناس كتير حصلها مشكلة وطبعا لا قدر الله اذا نسيت وتعاملت مع الباب بقوة شوية يبقى بالسلامة وانسى انك هتصلحه
4- الكاميرا رغم انى لا انكر جودتها بس فى حاجة غريبة فيها ما كانتش موجودة فى n70 n73 وهى انك لما تعمل زووم زيادة عن خمس درجات تلاقى الصورة بقت رديئة جدا
5- الشاشة وبصراحة النقطة ده بالذات مش عارف مين الغبى اللى فكر فيها الشاشة من غير باغة بلاستيك وده اول مرة فى حياتى اشوف تليفون بشاشة من غير باغة حاجة تنقط بجد مش ممكن الاستهبال بتاع الشركة ده وطبعا عشان تغير الوش بوش ليه باغة فك المسامير وضاع الضمان يا جميل
6- المشكلة الاكبر وهى ليست خاصة ب n95 فقط بل بكل التليفونات السيمبيان بالاصدار الملعون 9
مشكلة الشهادات للبرامج وخاصة الان بعد ما موقع التوقيع للشهادات اوقف العمل يعنى اخبط دماغك فى الحيطة
فكرة من اغبى ما يمكن فكرة الحماية الموجودة فى الاصدار التاسع وما بعده للسمبيان
لا والحاجة اللى تضحك نوكيا بتقولك اُل أيه عشان نحميك من البرامج الغير موثوق فيها طبعا كدب وفى رايي فى اهداف اخرى للحكاية ده
عشان كده انا باهنيك على قرارك واهلا بيك فى عالم الكفى
عالم ملىء بالبرامج وكل ما يخطر على بالك كمبيوتر صغير ومعاه تليفون بالمرة
نييجى لسؤالك
احسن موديل موجود حاليا هو htc tytn II
فيه كل حاجة موجودة فى n95 باستثناء الكاميرا
مش هاقدر اقولك مميزاته لانها لا تحصى يكفيك اعمل بحث على جوجل بالجملة احسن بوكيت بى سى وشوف النتيجة
هاقولك بس على العيوب عشان تحطها فى اعتبارك :
1- الكاميرا 3 ميجا لكن للاسف جودة تصوير الفيديو ليست على مستوى الكاميرا بطيئة ومن غير زووم
ومفيش فلاش يعنى من الاخر لو الكاميرا من الاساسيات بالنسبة لك يبقى بلاش التايتن
2- الجهاز تقيل وده مش بسبب الكيبورد الكامل المدمج زى بعض الناس الجاهلة ما بتقول , السبب هو الخاصية الفريدة فى شاشة التليفون ده وهى قابلية الانحناء بزاوية 45 درجة والنطام الميكانيكى لهذه الميزة الفريدة هو السبب الجهاز وزنه حوالى 190 جرام بس بعد فترة هتتعود عليه
3- الشاشة QVGA وهو ما ينقص التايتن لان الشاشات ال VGA اوضح وانقى بكتير لكن اغلب الهواتف تاتى ب QVGA المشكلة ان الرؤية تكون صعبة فى ضوء الشمس فى شاشة التايتن
فيما عدا ذلك فالجهاز خرافى سريع جدا وال GPS مالهاش حل يا راجل ساعات بتلقط وانا جوه البيت
طبعا انت اتخنقت من ال GPS فى N95 فى التايتن حاجة تانية خالص
الصوت نقى جدا وتصور احلى من N70 و73
هتتفاجئ لما تسمع صوت التليفون ده
الجهاز سعره تقريبا فى الحدود اللى انت قولت عليها الان
اعمل بحث فى المنتدى عن HTC TYTN II فى مواضيع كتير عنه تقدر تشوف التليفون وتتعرف عليه اكتر
هام جدا
رد: هام جدا
العرض العادي
