سوف أتحدث اليوم عن علم من أعلام الشعر ونجم من نجومه: أنه سعد بن جدلان الأكلبي من المملكة العربية السعودية وتحديداً من بيشه, ذلك الشاعر الذي أجاد الغوص في بحور الشعر وبلغ مكانة الثريا في السماء في آفاق الشعر بل قد أكون صادقاً إذا قلت بأنه وحيد عصره و معجزة زمانه.
أنه من توليفة خاصة ونوع آخر, والشاعر قد جمع بين شتى الفنون فأجاد في حيازتها.
لا أريد أن أطيل عليكم.
فإني سوف أقدم في هذا المنتدى -منتدى الجهاز الكفي - عرضاً لإحدى قصائده والتي نالت على إعجاب جميع من قرأها حتى أن بعضهم وصفها بأنها معلقة,,
القصيدة هي بعنوان: خارطة الطريق.
يا ذا الجلال اللي عروشك فوق واملاكك حـدر
ومهماً تسامت به عروشه مستحيـل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكـر العبـاد وهولهـا
وما نافسك من عمّر بيوته على سطح القمـر
واللّي ترسي فـوق أقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعـم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضـلات مـا نريـس حلولهـا
تلعب بنا خـلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانـت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبـع الآفـاق أطلالهـا وسفولهـا
سلام يا صدق النوى سلام يا وسـع الصـدر
سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا
ولاّ ليامنهـا ضفـن سدولهـا يطلـع بــدر
يا صل ضياه اللي على الكوره تطق طبولهـا
المعتبر يآخذ على الدنيـا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه فـي غـدرا الغـدر
للـي تحـد سيوفهـا واللـي تعـن خيولهـا
ولا تفكـر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا
واهل التكلـف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا
وللإستماع للقصيدة تجدها في المرفقات.
تحياتي: alhonaini
أسطورة الشعراء في هذا العصر.. سعد بن جدلان وقصيدة خارطة الطريق.. اقرأ .. واستمع.. واستمتع
العرض العادي
