قصتي مع نانســــــــــــــــــــــــــــــــــــــي (((الفصل الاول)))

الله مير انه يحيي (هـالخشش) الحلوة كلها .. يسعد لي مساء (هالكشرات) كلبوها
ولو إني داري انكم مادخلتوا الموضوع لعيوني..لكن كله على شان طاري نانسي..بس مومهم
شباب بنات .. هذي القصه تجدونها على ثلاث أجزاء .. يعني اللي يتعب من القراية يعرف وين وقف
_____________________
<< مدخل حصري لي >>
قالوا تحبه ؟! قلت: بالحيل بالحيل * قالوا توده؟! قلت: ما اود غيره ..
قالوا تريده ؟! قلت: بالحيل بالحيل.. قالوا تعزه: قلت آه بالحيل بالحيل ..
قالوا تتمناه؟! قلت: يلعن جدفكم لكم ساعة طايحين فيني أسئلة!! توكلوا على الله عشان أبدأ القصة
_____________________________
( الفصل الأول )
- لحظات ماقبل ماقبل الحسم -
كان ياماكان .. ذات مساء عاصمي جميل .. وكنت في طريقي متجهاً الى وسط الرياض ..
بالتحديد ( سوق عتيقه ) حق الخضار والفواكه ..
وكان معي صديقي وحبيبي أبوفهيد
والعلاقة بيني وبين هذا الصديق تمتد لبطون التاريخ .. وذلك قبل 24 سنه أول ما انولدنا في اسبوع واحد ..
وكان يسولف لي عن مغامراته في سوق ( الغزل ) ومواعيده الغراميه مع ( بنات الهوى ) ..
وانا ( ُ فاهي ) ورايح وطي ورايح كشنه بالكشري مع سواليفه
-- تصدق ياحياتي ، أمس "دلول" أهدتني دب مكتوب عليه أحبك يا عذابي !!
-- تصدق يا حياتي ، هذا البوك اللي في يدي .. مهديته لي تغريد الربوع اللي طاف !!
-- تصدق بالله يا حياتي.. "هدى" سددت فاتورتي حقت الشهرين اللي راحوا وفيها ألفين ريال !!
وانا قاعد أستمع له و ( مبلم ) لدرجة اني قطعت اشارتين حمراوتين بس الله سلم !
0 0 0 0
ترن .. ترن .. دق جوال أبوفهيد .. ناظره وقال: يلعن أبو اللزقات ياهووووه ..
شف يا حياتيغ!! طالعت شاشة الجوال ومكتوب فيها: النشبه يتصل بك !!
قلت من هالنشبه ؟! قال: هذي ابتسام الله ياشيخ ياخذها .. أنواع الازعاج كل يوم عشرين مسج
وستطعش ستين اتصال .. سميتها نشبه ولا قمت أرد عليها .!!
قلت في نفسي : إيه بلا والله من العز اللي انت فيه .. يحق لك تطنش !! مو زيي منقطع
شاف ابو فهيد بقاله قال وقف وقف .. وش أجيب لك معي؟ قلت : أي شيء ..
نزل ابو فهيد البقالة وجواله عندي بالسيارة ..
قعدت أهوجس.. الحين أنا أزين من ابوفهيد بألف مرة .. وشعري أنعم منه وأرتب ..
وسيارتي أحلى من سيارته .. ومع هذا البنات عنده وانا ( متلحط ) بس بربع الاستراحه التماسيح!!
إيييييييييه الله يا أم كلثوم صدقتي يوم غنيتي من ألحان السنباطي وقلتي: الحظ لا منه استقعد.. وش يفكك منه ياوليدي
ورجاءاً لا أحد يسألني عن هالأغنيه لاني سألت السنباطي نفسه عنها ولا عرفها
ترن .. ترن .. قطع هواجيسي اتصال جوال ابوفهيد .. ناظرت الجوال وأثر النشبه يتصل بك!!
إنبرش علي ابليس انبراش مايسويه المنتشري وقال:
رد .. رد واسمع الصوت العسل .. انت في حياتك ماسمعت الا صوت حرمتين:
أمك لا قامت تدعي عليك.. وشغالتكم لا قالت: جيب شماغ انته .. انا فيه يكوي ..
شلت الجوال..ظغطت على السماعه الخضراء وقلت بصوت رومانسي حنوووون عاطفي حااد:
ألوووووووووووووه .. واحتريت الرد العسل والصوت الدافيء واذا بصوت أجش مكر مفر مقبل مدبر معا .. يخترق طبلتي:
-- وينك فيه يابن الحرام تاركني بالمستشفى ساعتين وتدوج في هالشوارع !!
من الروعه سكرت السماعه وذبيت الجوال وقلت الله ياخذك يالفقاش يابوفهيد.. أجل أبوك خليته ابتسام !!
ركب ابوفهيد ومعه بيبسي يشربه وعطاني براية خضراء !! قلت: خير ان شالله ؟
قال: انت مو تقول جب لي أي شيء ..
قلت: أقول ترى ابتسام تحتريك بالمستشفى يالنصاب !! ( دحجني ) بنظره حاقده وخذ جواله
وجلس ساكت وهو عيونه حمراء وبحر أمواج خدوده قاعده تتلاطم من قوة التهزيئه
وفجأة إذا بنا على أعتاب السوق الجميل سوق عتيقة المركزي
--------------------------------------------------------------------------------
يــــــتـــــــبــــــــع....

مشكور حبيبي

يعطيك العافية