نهايه حلم

نهاية حلم


مونودراما




المنظر
إلى اليمين ترعة تمتد من اليمين وحتى نهاية المسرح 00 وفى الخلفية أقصى اليمين نرى أشجارا 0000 وفى منتصف المسرح طريق سيارات بدايته من منتصف المسرح وحتى أقصى المسرح 0000 وفى اليسار أراضى زراعية وأشجار تنحدر قليلا عن الطريق بمقدار متر 000 نرى سيارة مقلوبة على جانبها الأيمن في اتجاه الترعة00 وجثث متناثرة إلى يمين السيارة 000 والمسرح مظلم تماما 000 وتتركز الإضاءة على السيارة ويسمع صوت أنين داخل السيارة00 وصوت زجاج يتحطم00 وشخص يحاول الخروج من أحد الشبابيك00 ونرى في البداية يديه00 ثم النصف الامامى 00 يحاول الخروج00 ثم ينقلب على الأرض 00 الدماء تلطخ وجهه تمتما 00 ويحاول النهوض ثم يقع ثانية
الشخص
آه 00 آه ( يحاول النهوض 00 يقف 000 يترنح يمينا ويسارا 000 يقع 00 يستجمع قواه للنهوض 00 ) آ 00 آه 00 أيه اللي حصل00 وانا فين 000 وانا كنت راكب العربية وما دريتش إيه اللي حصل بعد كده (ينظر حوله مستجمعا قواه00 ) الله 00 أيه اللي حصل لنا 00 العربية كانت ماشية في أمان الله وبعدين 00 آه 000 ( يحاول النهوض 00 يقع مرة ثانية00 يزحف على جنبه الأيمن مستجمعا قواه آه 00 آه 00 ( يصطدم جسمه بجثة من الجثث 00 لا يعرف ملامح صاحبها يتحسس بيديه ) أيه ده 00 انت مين 00 سمير 00 احمد 00 جميل 00 ( يضرب الجثة بيديه00)موش عاوز ترد 000 انت مين 00 رد عليا 000 قول لي 000 إحنا فين00 وإيه اللي حصل ( يضرب بقوة ) 00 موش عاوز ترد عليا ليه 00 الظاهر انه مات00 ( يزحف إلى الامام00 يصطدم بجثة أخرى00 ) وإيه دا كمان000 ما حديش عاوز يرد عليا 0000 ما تسيبونييش لوحدى 000 يا احمد 000 يا جميل 0000 يا سمير 000 حد فيكوا سامعنى00 أنا توفيق00 ردوا عليا 00 قولوا لي إيه اللي حصل0000 يا عالم يا هو00 حد يرد عليا ( يزحف على بطنه إلى الأمام 00 ) واعمل أيه لوحدى في الظروف دى والسكة مقطوعة 00 وما فييش ولا عربية عدت لحد دى الوقتى00 ( يتوجع 00 آه 00 آه 00 ) آه افتكرت إن إحنا أتعرضنا لحادثة00 كانت العربية النقل ورانا 00 خبطت عربيتنا وما خليتش فيها حتة سليمة 00 والظاهر اللي معايا كلهم ماتوا000 سمير00 وجميل واحمد 000 خلاص كل شيء انتهى00 انتهى الحلم الجميل وموش هأقدر أحقق اى حاجة لانى هاموت00 وما يفصلنييش عن الموت غير دقايق 00 آه 00 ىه 00 ( يبكى)موش ممكن أموت 00 لازم اعيش00 موش عاوز أموت 00 لا 00 لا 00 (يبكى بهستريا 00 يحاول النهوض00 يقع 00 يحاول 00 يقع مرة أخرى 00 )لازم أعيش 00 لا 00 لسه ما حققتش احلامى 00 ولسه ما وصلتيش للي أنا عاوزهولسه الطريق قدامى 00 لسه بدرى00 لا 00 الموت 00 لا 00 موش عاوز اموت00 كنت خلاص على أول الطريق والدنيا كانت هتبتسم لي من تانى وأحقق أحلامى000 لكن خلاص ممكن كل ده يروح في ثانية00 وأموت 00 لا موش عاوز أموت
صوت جميل رمزي
موش لازم تيأس يا توفيق 00 اصبر وحاول مرة واتنين وتلاتة 00 موش لازم اليأس يعرف طريقه لك أبدا 00 امحيها من قاموس حياتك00 وكزن انك فشلت مرة يبقى موش نهاية العالم00 ياما ناس عباقرة فشلوا وفشلوا وتحطم فشلهم على صخرة الأمل والصبر وبقوا عظماء

توفيق
اعمل إيه يا جميل 00 كل الأبواب مقفلة في وشى والطرق مسددة 00 وموش قادر أخطى خطوة واحدة لقدام00 وحاسس غنى عاجز 00 ما أقدرش أعمل حاجة
صوت جميل
أكبر غلط يا توفيق 00 عهدي فيك انك أحسن من كده 00 أعمالك موش وحشة 00 ممكن ييجى الوقت اللي تقدر تثبت فيه نفسك وتحس بكيانك
توفيق
امتى بس يا أستاذ جميل 00 دا أنا حاسس انى غريب وسط الناس لا هما فاهمينى ولا أنا فاهمهم00 ساعة أحس إني أحسن منهم وساعة أحس إن اناأساوى ولا حاجة00 مجرد نكرة
صوت جميل
أهم حاجة الثقة بالنفس ياتوفيق00 والثقة بالنفس أول طريق النجاح وإثبات الذات
توفيق
وأستعيد ثقتي بنفسي إزاى بعد ما كل شيء راح منى
صوت جميل
أيه اللي راح منك 000مات لك ابن00 حصلت لك مصيبة00 وأيه يعنى لما تفشل وراح منك ايه00 ثقتك ممكن ترجعلك 00 إيمانك وكتابتك هم بس اللي هيرجعوالك ثقتك بنفسك00 ما يهمكش كلام حد طالما انت مؤمن باللي بتعمله
توفيق
وبدت استعيد ثقتي بنفسى00 وقدرت أفهم اللي حواليا وكل الظروف 00 أنا صحيح انقطعت فترة طويلة عن الكتابة00 وحاولت انى اكتب تانى00 أنا في البداية فشلت وما قدرتش امسك القلم00 لكن حاولت مرة والتانية لغاية ما القلم رضي عنى وكتبت قصة والتانية والتالتة00 ساعتها حسيت بنفسى00 وان أنا ممكن أبقى حاجة00 وفلان وفلان موش أحسن منى 0 لكن لفيت على كل دور النشر عشان حد يحس بيا00 ولا حياة لمن تنادى00 انت مين 00 ومين اللي هيقرالك 00 الناشرين يبجروا ورا المكسب وهيبيعوا أد إيه 00 ومين اللي هيغامر بفلوسه مع واحد مغمور 00 هو فاكر نفسه مين يعنى 000 ( يحاول النهوض00 يقع مرة أخرى 00 ) آه 00 وانت عايش ما كانش حد عارفك 00 برضه
الناشر
يا بني أنا قريت القصة بتاعتك 00 وما فهمتش اى حاجة هتموت وانت لوحدك
00 انت عاوز تقول أيه 00 لا فيها فكرة واضحة ولا الشخصيات باين معالمها 00 حتى الحوار كله حشو وما بيعبرشى عن الشخصية
توفيق
لكن يا أستاذ
الناشر
بأقول لك أيه القصة ما تصلحش 000 وما تضيعشى وقتي وخد قصتك 000 وأوعى تفكر انك تحاول 00 لان كل الناشرين هيرفضوها 000 لازم تعرف طبيعة سوق النشر عاوز إيه 00 القراء عاوزين أيه
توفيق
كان كلامه سهام أتوجهت لصدرى00 وساعتها حسيت بالفشل واني لا يمكن أقدر أتقدم 00 وحرقت كل قصصي وكل شيء عملته 00 الدنيا اتسددت في وشى00 وما بقتش قادر اكتب 00 قصصي وكل شيء عملته00 الدنيا اتسددت في وشى00 وما بقيتشى قادر أكتب 00 وراح كلام الأستاذ جميل في مهب الريح
صوت احمد صفوت
أنا جاى أبشرك يا توفيق بشرى جميلة ماكنتش تحلم بيها 000 تعرف أنا قابلت النهاردة مين 00 سامي فؤاد الناقد المعروف 00 وكلمته عنك وعن كتاباتك 00 وأتحمس لك قوى وطلب أنه يشوفك ويقرا أعمالك
توفيق
أعمالي 000 وفين اعمالى 00
صوت احمد
الكنز 00 الأمل الكاذب 00 الضحية 00 وغيره وغيره00 كل دا راح فين
توفيق
كل شيء راح 00 أنا حرقت كل قصصي يا احمد
صوت احمد
انت مجنون 00 حد يعمل كده 00 انت باين مريض
توفيق
كانت لحظة ضعف ما قدرتش أقاومها00 وكانت الظروف أقوى منى
صوت احمد
ظروف 00 ظروف أيه دى اللي تخليك تعمل كده00 تحرق قصصك
توفيق
ما قدرتش أتحمل اهانات الناشر ليا وان اللي عرضته عليه ما يصلحش واني ما باعرفش اكتب 00 كنت ضعيف ما قدرتش لاستحمل
صوت احمد
تقوم تحرق قصصك بكل بساطة00 هو كل إنسان عاوز الكون على مزاجه00 غلط يبقى غلط00 صح يبقى صح00 يا توفيق فوق بقى00 لو كل الناس بتفكر نفس تفكيرك كانت الدنيا انتهت من زمان
توفيق
اعمل أيه00 ما قدرتش أقاوم 00 كنت ضعيف 00 وده في حد ذاته اكبر غلط00 لان المفروض انى أتحلى بالصبر وقوة الإرادة وأحاول مرة واتنين وتلاتة 000 لكن ما فييش فايدة 00 ودايما اعلق فشلي على شماعة الظروف00 كلهم عندهم حق00 واستأهل اللي أنا فيه 00 فاكر نفسي حاجة 00 وانا ولا حاجة 00 ما فييش ثقة 00 ما فييش إرادة000 ما فييش عزيمة 00 عجز 00 لازم م يكون هناك فشل 00 ولازم دى تكون نهاية إنسان ما عندوش ثقة بنفسه ولا في اللي بيكت( 00 تسلط الإضاءة عليه ويظهر عليه الإعياء الشديد 00 يزحف على بطنه00 تخور قواه00 يقع على الأرض 00 يحاول النهوض 00 يزحف بقوة 00 يسمع صوت سيارة قادمة من بعيد 00 أنوار السيارة تضيء الطريق00 السيارة مسرعة00 يحاول توفيق النهوض حتى يوقف السيارة لكن شجاعته تخونه ويقع مرة أخرى000 )
توفيق
( بصوت ضعيف جدا ) استنى00 أقف 000 خدني معاك 000 ( تمر السيارة مسرعة ولا تشعر بتوفيق ) خلاص ما فييش فايدة 00 دى نهايتي وهموت00 آه 00آه 00 مانت كنت ميت ميت 00 وعملت أيه بحياتك 000 وما قدرتش أعيشها صح وأحس بيها وأحقق كل اللي كنت اتمناه00 كنت دايما أوهم نفسي بتحقيق شيء وأتعلق بأمل كاذب 00 لكن للأسف كان مصيري الفشل00 واستسلمت للفشل ده وفقدت الثقة00 معقولة لما الإنسان يفشل يبقى صحيح فاشل وما عندوش ثقة بنفسه 00 كانت فكرتي غلط غنى ما حاولتش افهم الحقيقة دى من زمان00 وكنت إنسان مهزوزوفكرى مشوش ما اعرفش آخد قرار00 متعصب عالفاضى لآراء ومعتقدات فارغة ما تبنييش إنسان وتخللي له كيان
صوت أحمد صفوت
ما تفقدش ثقتك بنفسك يا توفيق 000 انت موش عارف قيمة نفسك00 انت بس اللي عاوز شوية مغامرة 00 دا إحنا أتعلمنا منك كتير ومعظم اصحابنا000 وكلهم يشهدوا لك
توفيق
كلهم يشهدوا لي 00 فين الدليل على كده00 فين أصدق دليل على الكلام ده 000 مافييش إنتاج يعبر عن الكلام ده000 ما فييش عمل 0000 لا 000 لا
ستار
بورسعيد12/9/2000
عطا درغام

مشكورةةةةةةةةةةةة

شكرا لمرورك على اخى ميمو