يا ليتني طفل وكلن يداري دمعتي

**أبومحمد** · 04-10-2008, 05:20 PM

يا ليتني طفل وكلن يداري دمعتي
ومحدٍ يزعلني ولا اصير زعلان

يا ليتني طفل دايم بوجهي ضحكتي
وأشوف كل الكون أشكال وألوان..

يا ليتني طفل وكلن يصدق كذبتي
لأن البراءه ف خافقي ماسكه شان

يا ليتني طفل ومحدٍ يواخذ زلتي
وأمي تبدّيني على فلان وفلان..!!

شلتكْ منْ وسط نارْ الهموم وعالم الجمره
وسقيتك من غلاي وما نفَعْ طيبي وتقديري
مثل زهره قطفْها الوقت وقلبي شالَها حسره
لأني شفْتَها تَحْتي وأخافْ يدوسها غيري
رسمتك لينْ ما شفتك مثل صوره بلا فكره
ألوّنها ولا يبيّنْ بعينْ الصفحه تصويري
أكلّمْ صفحتك / عيّتْ تدور ونهتني بكره
وعاف القلب هالصفحه وأيّدْني بتدويري
وغلاتك / مو أنا اللي تهزّه غلطة البذره
صعب اتأثر بغيري وغيري فيه تأثيري
وإذا راحوا جميع الناس عنّي وهانتْ العشره
أضل الشامخ بدمعي وأقول لضحكتي صيري
أنا مثل الذي يمشي بغابه كلّها خطره
أكمّل خطوة دروبي ولا توقَفْ خُطا سيري
أنا ما همني حكي الجهال / أعوذْ منْ شره
ولي غيره على ديني ولا أسْمَحْ بتكفيري
أجي للحاقد مواجه ويجيني من ورى وكره
يقول: وما صدقْ قوله وهمّه بس تصغيري
كثر ما كنت أنا أسولف عليك وبحة النبره
كثر ما رحت ناكرني ولا تفكّر بتفكيري
أنا شمسك / وإذا إنتَ لقيت بغيبتي قمره
مردّكْ لي وإنْ طالت بكْ الدنيا مع غيري
تبشّرني بأفراحك ولا لك بالحزن ذره
عساها دوم ضحكاتك وتحراها تباشيري
بلا منّه عطيت وما أبي من هالعطا نظره
أنا طبعي كذى دايم / كافي شرّي وخيري
وخلْها قصةٍ عندك وإخذها لدنيتك عبره
أزيدك خير بأفعالي وينقص كفْ تقصيري
شفتك طايح ودامي وجبرته ساقك وكسره
نطرته لينْ ما ورّدْ وسقيته من تعابيري
مدامك طبتْ منْ جرحك وصارتْ صحرتك خضره
أمانه لا تردّه يوم / إذا جا وردتك / طيري

صباح الخير

صباحات السما والطير
سنين و ‘ طفله تدلّل ,
فرح أغصان ورد وفل
حنينه والسهر يذبل
فضاءات وضياء وظل
مابه درب للأحزان
....... طعنّا الوقت بالنسيان
نبي نرتااح ياانسان ..!!
أمل آسف على التقصير
كبر حلمه
وتوه صْغير !
يسولف عن عمر باكر
عن الفرحه
........ ‘ دفا الأشواق , والطرحه ،،
عن .. اصدق روح بين اثنين
وعطر أنفاس
عن أجمل شي بين الناس
عن الإحساس
عن الشاطئ .....
عن ترابه ......
...... وليل ‘ يتوه , باحبابه !
عن الفرحه
عن ’ الحلم الوحيد المبتعد عن خارطة جرحه ..!! ,
عن الحب
وعن الأوطان
عن الإنسان ياانسان
صباحك
ودّع الأحزان
يلف الشوق بالغربه ..
ويتركنا على دربه
ونبشر خير !
صباحات السفر يا ( طير )
صباحك غير !

عادي جداً .. إنِّي الليله ( عليل ) ..
" الحزن " .. يحْسِبني واحد مِـنْ هَلَـه !!
ومو غريبه .. لـو تِمَنِّيـت الرحيـل
البقاء.. أحيـان يعنـي .. البهذلَـه !!
في غيابك .. ما لَهَا الضيقه / مثيل ..!
وربِّـي اللِّـي مـا يشـاءهـ يفعـلَـه
مِنْ يلاقـي لدنيتـي هـذي بديـل ..؟
خـل يجيني أي شخـص .. أبَدِّلَـه

أحسه / حلم .. يصعب .. مع مرور الوقت ,,, تفسيره ]

وأحسه / شئ .. لا يمكن يصير .. و صار .. بـ [ أعمااقي ..

اعجبتني فنقلتها لكم أتمنى ماتكون مكرره

للأمانه الموضوع منقول ..