هلا باللي اذا نادت اجيها بلهفه وكني
وصلت لاخر الدنيا وطويت الارض باقدامي
اجي باحساس وانسى الناس اجي مرتاح ومتهني
ابي ترويني بايديها لاني بدونها ظامي
اجي عطشان اجي ولهان كأني كنت مستني
تناديني واجيها بشوق احسه داخل عظامي
هي اطيب قلب واجهته وماقد خيبت ظني
هي اجمل وجه قابلته وهي اكبر من احلامي
تقول اني احب انسان وتقول اني واني
وانا ليمن بدت تمدح ادور اقرب اقلامي
لأني لو عجزت اكتب غلاها وقربها مني
اجل وش فايدة شعري اذا مايمدح الهامي؟؟
صدوقه وان نوت تكذب تقول ارجوك سامحني
تحس ان الكذب حاجه عظيمه شيء اجرامي
بريئه في سوالفها تسولف عنها وعني
تذكرني بكل موقف جمعنا وصار قدامي
حنونه وصوتها دافي وله نبره تدوخني
هلا بمن عطرها يملا علي دنياي وايامي
````--````
حبيبي طيفك البارح تبعته لين وداني
لذكرى ايامنا الحلوه بكاني وبكيته ..
تذكرت الفراق وقلت حبيبي صعب ينساني
مدام اني معه وافي ولافي يوم خليته
حبيبي يبعدك ظرفك او انك رحت بالعاني
امانه بس جاوبني ترى هالحال هديته
انا لك كيف ماتبغى وكل اللي تمنيته
حبيبي شوف من نبتة كبر حبك لبستاني
سقيته من صافي عروقي وبالاحضان ضميته
حبيبي شوف منديلك تعدى عامه الثاني
يذكرني اذا شفته مكانك يوم مديته
مكانك صار لي ذكرى بعد ماصرت وحداني
اجددها مع نفسي اذا في يوم مريته
واعاتب حضي واسرح مع فكري وعنواني
ياليت الزمن يعطف واشوفك آآآه ياليته
تعبت اقول ولابقت حيله واشوف الكل عاداني
يقولون اتركه وانسى واقول ؟ شلون حبيته ؟
نعم حبيت ولو هو غاب خياله ساكن اعياني
وصوت اسمعه باذني وعطره تو شميته
بكيت الليل انا لجله على نغمه من الحاني
عزفها بيده التذكاروغناها وحييته
وهذا عالمي بعده يسمى العالم الفاني
وقلبي خالي بسية جفاف عروفه الميته
ولالي بعده الا الشعر هو اللي بس واساني
وقدر كل مامريت به لجله وعانيته
````--````
تعالي اجلسي بين جفني وأهدابي ..
ودي أضمك في محاجر عيوني ..
وأغمضها عليك ..
ولا أخليك تفارقها ..
ما أبغي أذكر بعادك ..
ولا أبي أتعود غيابك ..
ودي أحفظ صورتك فيها ..
تعال خبرني عن همومك ..
حرام لغيري تشكيها ..
سمعني آهاتك ..
على صفحات قلبي سجلها ..
بصوتك وبهمسك ..
كلمة كلمة دونها ...
أخاف الزمان عني يغيبها ..
تعال ناجيني بعيونك ..
واملكني بسحرها ...
ذوبني فيها ..
وخلني اختلط فيك ..
وأغوص في أعماقك ...
خلني ادور في متاهاتاك ..
يمكن اكتشفها أسباب معاناتك ..
خلني أسبر أغوارك ..
ودي أفهمها عبراتك .. وليش عني تخفيها
````--````
ابيك تحن ابيك توله
ابي عينك تناظرني وتترقب بحياتي
ابيك تحس ابيك ترد وابيه البعد مايطول
ابيك تشوف حبي لك مع قلبي وفي ذاتي
ابيك تلومني لو غبت ابيك تثور وابي تزعل
وابي ارضيك بخضوعي معك وبكل غاياتي
تعال اسقني من حبك ترا جسمي بدا يذبل
تعال وشوف كثر الهم بدا يظهر بنظراتي
تعال وقول انا احبك ابي عروقي بها تبتل
ابيك تكون لي الدرب ابيك اقرب مسافاتي
تعال اشكي لك همومي خلاص ارجوك لا ترحل
انا محتاج لوجودك يجمع باقي شتاتي
ابيك النور وابيك الليل وابيك الشمس وابيك الظل
ابيك انت لي الدنيا تكون آخر محطاتي
واذا ابطيت ماجيتك ابي تهتم اي تسأل
ومهما غبت عن عينك ابيك تخاف وتنشد عن اخباري
واذا ماتت امانينا وخاب الوقت وتبدل
ابي ايدك تلازمني وتمسح كل دمعاتي
ابي انسى معاناتي ابي تحس بأهاتي
واذا تحت الثرى جسمي بيبقى حبنا ويظل
معك دنيا انا فيها ومن دونك نهاياتي
ابي تبكي على فقدي وابي حزنك علي يطول
ابيك تكون تذكرني وتذكر كل رغباتي
````--````
كلنا نسأل عليك .. كلنا نوله عليك ..
مابقى بالدنيا ورده ماذبحها الشوق فيك
آآآه لو تدري حبيبي ..
كللنا نسأل عليك .. كل هالدنيا واهلها
آآآآه يامااكبر زعللها ..
وقت ماترحل حبيبي .. وقت ماتزعل حبيبي ..
في غيابك وش تكون ..؟؟
غير تعتيم وسكوووون ..!!
وصااارت الدنيا موااااجع ..
كلها تشكي تبيك .. وصرنا بغيابك حبيبي
كلنا ..... كلنا....
نسأل عليك ..
الزهر بعدك يموووووت ..
والعمر كللله يفوووووت
حتى اصوات الشوارع يعتريها في غيابك ..
كل لحظات السكوت
والدروب اللي بدونك كيف ابمشيها بدونك ..!!
والمكان اللي جمعنا مارضى مره يخونك
بس لو تدري حبيبي ..
انا .. وعيووني .. وقلبي ..
منهووو مايسأل عليييك ..؟؟
منهووو مايوله عليييك ..؟؟
كلنا يانور عيني..
كلنا
كلنا
كلنا
نسأل عليييييييييييك
````--````
سامحني لوغلط قلبي عليك وقال(أحبك)
وأعذرني لوقسى نبضي عليك وردد(أسمك)
وأغفرلي زلة عيون تمنت إنها بلحظه تشوفك
وأرحل عني بعيد ولايهمك...
أتركني في مهب الريح أعاني بين جرح القلب منك وبين (حبك)
أجرحني أكثر وأكثر لايهمك وعذبني كل ماقربت يمك
وأطعني ألف طعنه لوخيالي مربك أوجاك زاير،،
وأن لمحتني بطيفك أصرخ وقول نسيتك وانسى أني كنت أحبك
ولايهمك أتركني أعيش عمري بين موت النبض فيني وبين حبك..
ليه ياصوت الألم تصرخ علي؟
ليه يانبض الوهم تقسى علي؟
ليه يادمع الندم تخطي علي؟
وش هو ذنبي اللي أرتكبته؟
غير دمع في غيابك كم سكبته
وكم ذكرتك في دجى ليلي حبيبي وانتظرتك
وأتركني في شتاتي بين صوت الشوق فيني وبين حبك
كان قلبك نادم أني كنت أحبه
وكان فكرك ضاق أني كنت قربه
لوسمحت أصرخ وقول نسيتك
لوبكى قلبي ولك نبضي ينادي
قولي أنك في حياتي كنت عادي
أموت تايه بين لهفه وصرخةأشواقي...
للأمانه الموضوع منقول ..
الساعة الآن 11:07 PM.
أدوات الموضوع
انواع عرض الموضوع
تاريخ التسجيل: 7 / 12 / 2005
الدولة: الأمارات العربية المتحدة
الجنس: ذكر
العمر: 42
المشاركات: 10,424
معدل التقييم: 
تعليمات المشاركة
لا تستطيع إضافة مواضيع جديدة
العرض العادي
