طيب بسم الله الرحمن الرحيم نبداء على بركة الله ...

- السمكـة الحين وش مذكرهـا , شلون أكيد لها مذكر وامس كنت
في موتر له صندوق لكنه دفع رباعي وراكب فيه 6واسألهم السؤال هذا
ورفضوا الاجابة ,وبضعهم قال سمكي ووالله العظيم اني في الرجعة راجع
وانا راكب الصندوق , مدري ليه ؟

- طيب نجي لأختنا البقـرة , وش مذكرها بقري أو بقرا بقري ,
شلون , أكيد لها مذكر معقوله مالها مذكر والناس الايام هذي يسمونها ذكر البقرة ثور
, خير ان شاء الله سلامات , ليش حيوان مذكره حيوان ثاني اسمه ثور شلون
ما تجي ذي , لا جد شباب شلون ابي افهم , واتوقع ان ذكر البقرة منقرض
وليس اسمه ثور .

- طيب نجي للجرادة وش اسم مذكرها , جردي مثلا ً طيب إذا
كانت البقرة مذكرها حيوان آخر اسمه ثورة يختلف شكلا ً ومضمونا ً عن
البقرة فهل يعني ان ذكر الجرادة هو الجردي , اللي يشبه للفار ويجي للناس
اللي ييبسون خبز في بيتهم , هذا تحليل منطقي ومضمون أو لازم الآن تجيب
لي اسم ذكر الجرادة , لا والله جد شباب وش اسم ذكرها , واذكر قبل فترة
طويلة قالي شخص ان الجرادة لها مذكر واسمه يختلف تماما ً عن الجرادة .

- طيب نجي للنملة وهي الحشرة الوحيدة اللي احترمها واقدرها
واحطها فوق راسي , يعني تحس انسانة محترمة بجد هادية الطباع لا تصدر
اصوات صغيره جدا ً ولا تأخذ حيز من الكون متواضعة جدا ً لدرجة انها تأكل ما
تبقى من الطعام , والغريب انها تحب السكر ولم يثبت عليما ً حتى الآن أنها قد
اصبيت بالسكـر ابدا ً والانسان الآن منتشر فيه السكر , بالإضافـة إلى ان النملة
انسانة منظمةر لحياتهم ومكافحة جدا ً ودائما ً ما نشاهدها تحمل طعامهـا
ومتجهه نحو المجهـول , يعني الصراحة النملة جديرة بالاحترام , طيب صحيح
اننا نحب النملة جميعا ً لكن لازم نعرف وش هو ذكر النملة , هل نملي مثلا
ُ أو نمل أو نم ... أكيد شها ذكر ...

- طيب نجي للفيل والجميع يتفق ان مؤنث الفيل هو الفيلة ,
طيب إذا كان الفيل له خرطوم هل يعني هذا ان الفيلة لها خرطومة ,
أو ماذا نقول عنها ؟ أن نسمي ان فم الفيل هو الخرطوم لكن الفيلة هل
الشيء الطويل اللي في وجهها من قدام هو ذنب آخر يعني هل تملك ذيلين قدام وورا ...

- طيب نجي للبصـلة أكيد لكل حيوان انثى ومذكر طيب البصلة
وذ مذكرها أكيد لها مذكر ...

- طيب الإنسان الآن هل هو مذكر او مؤنث, طيب جميل جدا ً
نتفق على ان الانسان هو ذكر وانثى بمسمى انسان , طيب لماذا الحيوانات
الأخرى لا يكون لها اسم واحد ويكون فيه ذكر وانثى مثل الانسان , طيب
صغير الانسان هل هو الطفل او الرضيع او مولود أو ماذا ؟

- طيب نجي للدجاجة المربية الفاضلة الحريضة على ابنائها
دوما ً , ما هو ذكر الدجاج؟ هل هو الديك مثلا ً , طيب هل يسمى ذيك
فقط أو لماذا لا يسمى ذكر الدجاجة , لدرجة انك عندما تقول ذكر الدجاجة
يضحك الآخرون وكأنه لا يوجد شيء اسمه ذكر الدجاجة ...

- طيب البطيئة السلحفاة يعني معقولة مالقو لها مذكر لها ,
طيب وش اسم ذكر السلحفاة , سلحفي مثلاً أو السلحفى , طيب
دايم اشوف الطبيعية ما قالوا فيها أي شيء عن السلحفاة ...

- طيب القرد ماراح اتكلم فيه لأن اخاف منه شوي ...

- طيب الزرافـة الآن الحيوان الصامت الغامـض واتوقع ان وراها
شيء الزرافة على صمتها يعني معقولة مالاها صوت او انها تبي تسوي
ثقل نفس النملة , والنملة طبعا ً يمكن لها صوت وما نسمعه أو ناخذ مكرفون
دقيق جدا ً حساس ونحطها عنده فمها إذا لها فم أصلا ً ونشوف هل بيطلـع
صوتها وطبعا ً لازم نجيب واحد مهدنس صوت بحيث يخلي يضخم الصوت لأعلى
درجة ونشوف هل النملة لها صوت ولا لا ؟ وأطلق العنان لمخيلتك وفكر هل النملة
لها صـوت أو أقصد فكر وق
ل كيف سوف يكون للنمة صوت ؟ ويقال ان تتواصل مع اخوياها النمل بالشعرتين
الموجودة في راسها نفس اللي في القلابيات ...

- طيب نتفق جميعا ً على أن الدودة ذكرها الدود نفترض مثلا ً , لكن
والله ثم والله اني سائل اخوي الصغير قبل فترة طويلة وقلت له , هل الدودة نبات
ولا جماد ولا وش ؟ قال الدودة نبات , عقبها ضحكت عليه ضحك طبعا ً لكن هل
هو صادق مثلا ً , أكيد لا طبعا ً لأن الحيوان هذا معروف انه حشرة , طيب هل
هو حيوان , أقصد هل هو حيوان أو حشرة ؟ أو هل هو حيوان الحشرة ؟ أهااا
يالله حلوا اللغز هذا بعد , هل هناك حيوانات وحشرات أو أن هناك حشرات حيوانات ...

- طيب حيوان وحيد القرن حيوان معروف لدى الجميع ونشوفه أول
في حديقة الحيونات اللي في الملز في الرياض واذكر نخاف منه اول نحس انه حيوان غريب ,
طيب انثى حيوان وحيد القرن

وش اسمها , وحيدة القرن مثلا ً أو وحيد القرنـة , أو لها اسم آخر مثل الديك ...
- طيب نجي للشاكوش هل هو ذكر او انثى , والجميع يخفى عليه
ان انثى الشاكوش هي المطرقـة طبعا ً أنا ذكرت الشاكوش من باب الضحك
والاستهبال لا أقـل ولا أكثـر ...

- طيب العصافير اللي تفرح بالصبح دايما ً وبعدين ذا الايام ملاحظ
عليها ملاحظة أنهم دلو يقومون مبكرين يعني وانا طالعين من صلاة الفجر قبل
شوي ألا واسمع العصفورة تصايح ويا عيالها وخر عنهم كأنن , قلت سلامات
الظهرية ولا العصرية , خير ان شاء الله ... المهم اللي ما يعرف ذكر العصفور
من انثاه يسأل الأخ سمكة دبا ...

- طبعا ً الفراشـة الحشرة الجميلة الي تطير دايم وإذا مسكناها
يجي في يدينا صبغـة تخرج منها أكيد علميا ً الصبغة هذي لها دور , إما في
الدفاع عن النفـس أو في أي شيء آخر , طيب وش ذكر الفراشـة لم نسمع
به من قبل ولماذا الاعلام اليوم يغفل عنه او لماذا العلماء لا نسمع به من افواههم ابدا ً ...
- طيب البطة ذكرها بط والوزة ذكرها الوز , طيب النعامة نقول ذكرها
النعام وعلى طاري النعام واحد من اقاربي عنده مزرعة يربي فيها نعام , المهم
ذاك اليوم مدري وش صار وما درينا الا والنعامة خابطته وطاحت غترته وحالته حاله
, أصلا ً النعام دبشة وش خلاه يربيها ...


طبعا ً آسف على الإطالة , وأتمنى اني اسمع رأي عضو كل حدة , لأ , أقصد
رأي عضو كلُ على حدة بالموضوع , طيب وش رايكم بالمواضيع اللي مثل هالنوع ؟
جد شباب وش رايك فيها ؟ لأن عندي تساؤلات مثل كذا في جميع المجالات في
مجالات حياتنا اليومية مثلا ً أشياء متناقضـة أو أشيــاء أخرى واتمنى اعرف هل استمتعتوا بالموضوع ولا الموضوع غريب وما راق لكم وطبعا ً ليت كل عضو يدخل عالم الجنون ويخربها ويرفع عنه قبعـة المثالية لأن المثالية هناك في اقسام أخرى واللي يبي يعرف المثالية يدخل ويشوف آخر موضوع لي في قسم الاعلام (انوفنا المدسوسة...الخ) يعني هناك الكلام الجميل أما هنا فالجنون ...


طبعا ً أخوانا المشرفيـن أكيد الحين هم في ورطـة ما يعلم بها الا الله , هلى هذا
الموضوع وش يسوون فيها ؟


'df gda `;v hgfrvm pd,hk Nov hsli e,v ? ,a hgsl;m H, hg[vh]m