مين مننا مابيعانيش من صوت تليفونه الواطي ( ودي مش شتيمة )
كلنا عارفين ان البوكيت بي سي عموما بيفتقر لجرس عالي نوعا ما و طبعا لو تليفونك في غرفة وانت في غرفة تانية او في اجتماع وسايب تليفونك في مكتبك وواحد صاحبك او تليفون مهم جايلك بيتقطع نفس اللي بيتصل وانت مش سامع و لو جاتلك رسالة وانت بعيد عن التليفون ماتعرفش انها جت الا بالصدفة
من هنا جت اهمية البرنامج ده واللي انا بصراحة مقتنع باهمية نوعيته جدا وخصوصا لتليفونات ويندوز 5 واللي بيبقي صعب اننا نعدل علي نغمة الرسايل وفي الغالب بتكون رنة صغيرة جدا مابنسمعهاش ... البرنامج ده بيذكرك بان فيه مكالمة فائتة او رسالة انت ماقرتهاش وبيفضل وراك يرن بنغمة انت تحددها كل مدة محددة انت تحددها لغاية ماتشوف الرسالة او المكالمة
مقدمة طويلة أوي !! ... .... عندك حق ! لكن انا مشرف يعني اقول اللي انا عاوزه واللي مش عاجبه يحمل البرنامج علي طول من المرفقات ويوريني ازاي حيعرف هو بتاع ايه ... لا ولسة ماقولتش خيارات البرنامج يعني لسة في كلام تاني
MSentinel V2.4
البرنامج المجاني للتذكير بالمكالمات والرسائل الفائتة والايميلات والمنبهات ورسايل الوسائط MMS و رسائل البريد الصوتي
وميزة البرنامج الجديدة عن النوعية دي انك تقدر تفعله لفترة معينة ... يعني مثلا لو نايم اكيد مش حتحب ان البرنامج يعد يرن ويخلص البطارية علشان يعرفك ان فيه مكالمة فائتة او رسالة انت لسة ماقرتهاش
البرنامج بيستخدم توقيته في التذكير بالثانية يعني مش بالدقيقة
واللي هي بجانب عنوان (check every (s والخاصية دي لاعادة التنبيه كل فترة محددة انت تختارها بالاسهم .. اعلي واسفل لزيادة او نقصان الفترة بين كل رنة والتانية
اما بالنسبة للفترة اللي انت عاوز تحدد فيها تفعيل الخاصية فبتكون بـ ساعة 24 يعني مثلا لو عاوز تفعله من الفترة السادسة صباحة الي الساعة الثانية عشر مساءا يبقي التوقيت اللي حتكتبه .. من 18:00 الي 00:00 وطبعا بعد ما تضع علامة الصح علي مربع الكلمة (( play sound only between ))
بالنسبة لتحديد النغمة اللي تحب تسمعها وقت التذكير فبتضغط علي مربع الـ ثلاث نقاط (...) اللي بجانب الميكروفوان الاسود علشان يفتحلك متصفح الملفات بتاعك وتقدر تختار النغمة اللي انت تحبها ... زي الصورة الاتية ...
ولو ضغطت علي ايقونة الميكروفون الاسود حتسمع النغمة اللي اختارتها !
- خيار Active : هو لتعطيل او تفعيل البرنامج
- خيار Vibration : هو لعمل اهتزاز اثناء كل عملية تنبيه ولو ضغطو علي ايقونة الهاتف بجانبها حتحسوا باهتزاز الهاتف كنوع من التجربة والاسهم اللي بجانبها واللي بتقدر ترفع قدرة ومدة الاهتزاز لا انصح باللعب فيها الا اذا جربتوا ايقونة الهاتف ولم تحسوا باهتزاز الهاتف فيمكنكم زيادة الرقم من 1 لاعلي حتي يتماشي مع تليفوناتكم لان في بعض التليفونات تحتاج لمدة اطول لتفعيل خاصية الاهتزاز فيمكنكم التجربة حتي تشعروا باهتزاز الهاتف وبعد ذلك يمكنكم حفظ الاعدادات بالضغط علي اي من ازرار البرنامج السفلية سواء الايمن (( save n exec )) وده لحفظ الاعدادت والخروج من البرنامج او الزر الايسر(( save settings )) لحفظ الاعدادت واستمرارية تصفح الخيارات تحسبا لعمل خيار اخر
- change volume وهو لتحديد مستوي صوت نغمة التنبيه
البرنامج له اصدارين لتتوافق مع ويندوز 5 و 6 واعلي
في المرفقات ملف باسم MSentinel V2.4 wm5 وده لاصحاب ويندوز 5
والملف باسم MSentinel V2.4 فقط ... فده لاصحاب ويندوز 6 و أعلي
البرنامج يحتاج لـ NET framework 2.0 او 3.5 ايهما علي جهازك يصلح
من هنا >>
__________________
I am proud to be aMUSLIM
- لصانعي المواضيع :- سيتم ان شاء الله تثبيت المواضيع المتميزة لمدة اسبوعين بالتبادل مع اخريماعدا مواضيع المكتبات المهمة
لكن في برنامج بي بي سي سيوت أتوقع ان واجهتة أحلى
وطريقة عملة اسهل
لكن هذا البرنامج فيه حرية باختيار التوقيت
فعلا لكن ماتنساش ان البرنامج ده لا يظهر في شاشة اليوم يعني انت لو عندك برنامج من برامج شاشة اليوم زي المانيلا او زي throttlelauncher او اي برنامج شاشة يوم مش حيبقي عندك مساحة في شاشة اليوم انك تشغل البرنامج suit وبالتالي مش حيقوم بعمله لانك لو مش مفعله في شاشة اليوم مش حيشتغل ... وكمان البرنامج اللي بتتكلم عليه مساحته 4 ميجا ومش مجاني ولازم يتسطب علي الذاكرة الرئيسية معني كده ان اللي تليفوناتهم مافيهاش مساحة في الذاكرة الداخلية حيتعبوا منه
__________________
I am proud to be aMUSLIM
- لصانعي المواضيع :- سيتم ان شاء الله تثبيت المواضيع المتميزة لمدة اسبوعين بالتبادل مع اخريماعدا مواضيع المكتبات المهمة
بوركة برنامج جميل ورائع والأروع شرحك بي التفصيل الله يبارك فيك وفي تعبك والله يجزيك خير على تعبك المفيد .....
بوركة وننتظر جديدك من برامج مشروحة
وجزاك الله الف خير
بوركة برنامج جميل ورائع والأروع شرحك بي التفصيل الله يبارك فيك وفي تعبك والله يجزيك خير على تعبك المفيد .....
بوركة وننتظر جديدك من برامج مشروحة
وجزاك الله الف خير
شكرا علي الرد الجميل والدعوة الاجمل
اقتباس:
المشاركة الأصلية كتبت بواسطة يوسف عبدالله
مشكور اخي عماد ..... بارك الله فيك
مشكور اخي عماد ..... بارك الله فيك
مشكور اخي عماد ..... بارك الله فيك
العفو اخي يوسف .. وفيك
__________________
I am proud to be aMUSLIM
- لصانعي المواضيع :- سيتم ان شاء الله تثبيت المواضيع المتميزة لمدة اسبوعين بالتبادل مع اخريماعدا مواضيع المكتبات المهمة
MSentinel مين مننا بيسمع تليفونه ؟
) 
.. .... عندك حق ! لكن انا مشرف يعني اقول اللي انا عاوزه واللي مش عاجبه يحمل البرنامج علي طول من المرفقات ويوريني ازاي حيعرف هو بتاع ايه 
رد: MSentinel مين مننا بيسمع تليفونه ؟
العرض العادي
